Steintjønnbotten støl (Ustaoset)
Hopp til navigering
Hopp til søk
Stølen Steintjødnbotnen (også kalla Botten, gnr 54, bnr 7) låg i Steinvika, vestafor Uggen på Ustaoset i Hol kommune. Lars Torsteinson Heggeset, Kvisla, kjøpte den i 1892 av Margit Knutsdotter øvre Sand, også Kvisla, som i mange år sat som enkje på garden.[1] Han har nok seld stølen vidare til Per Mikkelson Vindegg Bakkegard, Kvisla, for Per selde den i 1905 til Gunvald Larson Luten, Lio, som igjen bytte den bort til Knut Knutson Øyo, også Lio. Stølen hadde då lege øyde i mange år, men Knut fekk bygd både buer, lu og fjøs attåt den gamle steinbua som sto der.[2] Sander Olson Fossgård og kona Gro, som rudde garden Fossli, Lio, kring 1916, leigde Steintjødnbotnen av Thomas Knutson Øyo og støla der i 12 år.[3]
Fotnotar
Kjelder
- Lars og Sigurd Reinton: Folk og fortid i Hol. I kommisjon hos Grøndahl, 1938-1982. Bind 6 og 7.