Steintjønnbotten støl (Ustaoset)

Stølen Steintjønnbotten (også kalla Botten, gnr 54, bnr 7) låg nord for Steinvika, vestafor Uggen på Ustaoset i Hol kommune. Lars Torsteinson Heggeset, Kvisla, kjøpte den i 1892 av Margit Knutsdotter øvre Sand, også Kvisla, som i mange år sat som enkje på garden. Han har nok seld stølen vidare til Per Mikkelson Vindegg Bakkegard, Kvisla, for Per selde den i 1905 til Gunvald Larson Luten, Lio, som igjen bytte den bort til Knut Knutson Øyo, også Lio. Stølen hadde då lege øyde i mange år, men Knut fekk bygd både buer, lu og fjøs attåt den gamle steinbua som sto der. Sander Olson Fossgård og kona Gro, som rudde garden Fossli, Lio, kring 1916, leigde Steintjødnbotnen av Thomas Knutson Øyo og støla der i 12 år. Stølsbua og fjøset er i dag (2012) ombygde til hytter.

Litteratur

• Lars og Sigurd Reinton: Folk og fortid i Hol. I kommisjon hos Grøndahl, 1938-1982. Bind 6 og 7.