Sunndal kommune
Sunndal er ein kommune på Nordmøre i Møre og Romsdal. Kommunesenter er Sunndalsøra. Kommunen inneheld dei gamle herada Sunndal, Øksendal og Ålvundeid, og dessutan og Ålvundfjord krins av tidlegare Stangvik herad. Kommunen grensar i dag til Tingvoll i nordvest, Surnadal i nord, Oppdal i aust, Lesja i sør og Nesset i vest.
Sunndal har kring 7 500 innbyggjarar; av dei bur kring 4 500 i tettstaden Sunndalsøra.
I arbeids- og næringslivet i Sunndal er det aluminiumsverket som dominerer, med ca 900 arbeidsplassar. Verket vart modernisert i 2004, samtidig som det feira 50-årsjubileum. Det er Norsk Hydro som har eigd aluminiumsverket sidan 1980-åra.
Sjølv om Sunndalsøra er bygd opp omkring aluminiumsverket, er Sunndal kommune òg ein stor landbrukskommune og har ein godt utbygd offentleg sektor.
Sunndalsøra er truleg den staden i Noreg som har størst del av bustadene sine i bustadsamvirket.
Personar frå Sunndal kommune
- Erik Almhjell, spelmann
- Honourable Mrs. Barbara Arbuthnott («Lady Arbuthnott», d. 1904)
- Hagbart Emanuel Berner, politikar og redaktør
- Tore Hoås, spelmann
- Tor Erik Jenstad, språkforskar og trekkspelar i Hørkelgaddan
- Olav Oksvik, politikar
- Nils Trædal, politikar
- Gottfrid Hans Fabian von Eppingen, spelmann