Bygdheim (Fyresdal)

Bygdheim (Fyresdal gnr. 37/5/3) er ein eigedom i Folkestadbyen i Fyresdal som har adresse Lensmannsgata 6. Denne kom frå Århus (Fyresdal gnr. 37/1).

Knut Tormodson Borgejordet (1832-1899) hadde vore sersjant og landhandlar, men kom til Bygdheim som postopnar. Han var gift med Signe Halvorsdtr. Moghus (1843-1931) som var jordmor. Ho sat ei tid att på Bygdheim som enke, men flytte seinare til Oslo der ho døydde.

I 1900 var dottera Torbjørg Knutsdtr. postopnar, flytte til Oslo.

Biletgalleri

Bondalsbua (Nedre Lauvstad) til venstre og Bygdheim til høgre. Nærast fotografen, altså på denne sida av vegen, held gråsteinsmurarar på å lage til ein grunnmur som kan vere den til Fredheim. Årstal ukjent, men fotograf Olav S. Nylid
Gravferd i Folkestadbyen. Til venstre er Bygdheim og lengre bak er Lauvstad øvre. Årstal er ukjent, men fotograf er Olav S. Nylid
Vi ser her nybygd altan på vestveggen av Bygdheim, denne vart seinare erstatta med ein veranda som høver betre i norsk klima. Årstal ukjent, men fotograf er Olav S. Nylid
Rutebilen, ein La Buire, ved postkontoret Bygdheim. Sjåfør Paul Wagner. Fotograf Bendik Taraldlien
Bygdheim i Folkestadbyen sett frå Folkestadgata 2020. Nedre Lauvstad til venstre. Foto: Olav Momrak-Haugan