Fjågesund
Fjågesund er ei grend i Kviteseid kommune i Telemark. Staden ligg ved Telemarkskanalen, ved den vestre enden av Flåvatn og ved Straumen, sundet som knyter Kviteseidvatnet til Flåvatn.
Fjågesund brygge har anløp av kanalbåtane M/S «Victoria» og M/S «Henrik Ibsen».
Fjågesund kyrkje er ei langkyrkje frå 1916 bygd i ein stavkyrkjeinspirera stil etter teikningar av arkitekt Haldor Larsen Børve.
Fjågesund skule vart oppført i 1911 som eit lafta tømmerhus på halvannan etasje. Skulen vart påbygd i 1946 og 1997, men vart nedlagt i 2010.
Fjågesund landhandel låg i Hassvikvegen 29A. Butikken vart nedlagd i 2010 og huset rive ca. 2022. Arne Gravir var siste handelsmann her.
Namnet uttalast [fjå:`gesonn]. Ifølgje Norsk stadnamnleksikon er det sett saman av adjektiv «fjalgr» (fjåg, vakker) og sund.
Galleri
Fjågesund kyrkje.Foto: Roy Olsen (2024).
Fjågesund brygge og Hassvikvegen 56, «Vestby».Foto: Roy Olsen (2020).
Den karakteristiske 300 meter høge loddrette fjellveggen er ein del av fjellet Ånås. Garden er Vestre Fjågesund (gnr. 20/11).Foto: Roy Olsen (2025).
Kjelder og litteratur
- «Fjågesund», Wikipedia
- Fjågesund.no: «Fjågesund Skule»
- Stemshaug, Ola og Jørn Sandnes: Norsk stadnamnleksikon. Utg. Samlaget. 1997. Digital versjon på Nettbiblioteket.
- Vest-Telemark Blad, 5. april 2021: Nå kan den gamle landhandelen bli riven