Fritz Loyt Johnsen
Fritz Loyt Johnsen (fødd 22. februar 1916 i Levanger, død 29. august 1997) var første formannen for det første sau- og geitalslaget i Noreg, Nord-Trøndelag Sau- og Geitavlslag (1945–1946);[1] og han var sekretær for Norsk sau– og geitalslag frå det vart stifta våren 1947, og generalsekretær der frå hausten 1947 til han gikk av ved pensjon 67 år gammal i 1983. Han var òg initiativtakar til Akershus og Oslo sau- og geitalslag, som vart stifta i 1950.
Foreldra var rørleggarmeister Johan Johnsen (1888–) og Gunnbjørg Sørensdatter (1897–). Han utdana seg ved Landbrukshøgskolen på Ås. I hovudoppgåva si der i 1941 namngav og beskreiv han sauerasen grå trøndersau; og i 1993 — 52 år seinare — var han med på befaring i Tinn kommune i Telemark og stadfesta at ein saueflokk som hadde vorte berga frå slakting året før var gråe trøndersauer, som elles var rekna som utdødd som rase da.
I 1984 fikk Fritz Loyt Johnsen kongens fortjenstmedalje i gull for samfunnsgagnlig arbeid. Han var busett i Nannestad.
Fotnotar
- ↑ «Historie - NTSG» på nettsidene til Nord-Trøndelag Sau og Geit
Kjelder
- «Jubileumsberetning for Nannestad Saueavlslag år 1954–2004»
- «Fritz Loyt Johnsen» av Dagfinn Drabløs, Aftenposten 11. september 1997.
- Fritz Loyt Johnsen i Historisk befolkningsregister.