Hjeltnæsske Børnestiftelse var ein barneheim som vart oppretta av Christopher Hjeltnæs på andre halvdel av 1700-talet. Det var eldste plassbruket på Hjeltnes, Skjølavikje, som vart utskilt til barneheim, og forstandarane der disponerte bruket som husmenn med jord. Gåvebrevet til stiftinga sette Christopher Hjeltnæs opp i 1770, og kongen stadfesta det i 1776. Gåvebrevet var gyldig frå 1777; dei neste tre åra var avsett til bygging; og frå 1780 skulle stiftinga ha normal drift. Den første forstandaren vi veit om der var John Gullichssøn (f. 1755), som i folketeljinga 1801 er omtala som Husmand med Jord og Forstander for den af Christopher Hjeltnæs i Skjællevig oprettede Børne Stiftelse. Han budde der saman med kona, Brynilda Olsdt. (Vambheim). I 1801 er det oppført fem Opfostringsbørn der, men det er eigentleg tre, ettersom to av dei er deira eigne born.
Denne siden er en spire. Du kan hjelpe den til å vokse seg stor og sterk!
Denne sida er ei spire. Du kan hjelpe henne til å vekse seg stor og sterk!
