Ivar Aasen-tunet er eit kultursenter og museum i Hovdebygda i Ørsta kommune. Det har namn etter Ivar Aasen og ligg ved fødestaden hans. Ivar Aasen-tunet er eit nasjonalt dokumentasjons- og opplevingssenter for nynorsk skriftkultur. Nynorsk kultursentrum eig og driv senteret, som held til i ein bygning frå 2000. Bygninga er tekna av arkitekt Sverre Fehn og vart tildelt Betongtavlen 2000 og Houens diplom for god arkitektur i 2008.
