Knud Schouge (1814–1877)

Knud Schouge (fødd i 1814 på Skoge i Sund kommune, døydde i Austevoll i 1877) var gardbrukar og lensmann frå 1859 til 1877 i dåverande Sund og Austevoll kommune frå 1859. Schouge kjøpte gardsbruk på Sandtorv i Austevoll, og utførte lensmannstenestene derifrå. Austevoll vart eigen kommune i 1886, men dei to kommunana var eitt lensmannsdistrikt til 1964.

Han var gift med Marthe Nilsdatter Stensland (1819-1891) frå Sund, og dei fekk 10 barn.

Ei av oppgåvene Knud Schouge hadde ved sida av dei vanlege lensmannstenestene, var å registrera gamle bygningar i Austevoll og Møkster sokn. Eit eksempel er Stolmastova. Det var amtmannen i Søndre Bergenhus Amt (seinare Hordaland fylke) som gav han denne oppgåva, og ettertida har dermed fått opplysningar om fleire typar bygningar i dei to soknene.

Kjelder og litteratur

• Asphaug, Arne (red.): Næringsvegane i Sund og Austevoll 1866-1890. Utg. Sund kommune. Steinsland. 1997. Digital versjon på Nettbiblioteket.
• Clausen, Conrad og A. L. Vassenden: Lensmennene i Hordaland. Utg. Hordaland lensmannslag. Stavanger. 1950. Digital versjon på Nettbiblioteket.
• Folketeljinga i Sund og Austevoll 1865.
• Tufteland, Johan (red.): Austevoll. Gard og ætt III. Tidlegare Bekkjarvik kapellsokn. Austevoll 1991. 471 s. Digital versjon på Nettbiblioteket.