Lurvika handelsstad
Lurvika er ein gamal handelsstad på Rottøya i Aure kommune. På 1800-talet var Lurvika på mange måtar eit sentrum i Aure. Staden hadde landhandel, gjestgjevari, brennevinsutsal, bakeri, postopneri, telegrafstasjon, lensmannskontor og dampskipsanløp.
Caspar Kahrs Lossius
Caspar Kahrs Lossius (f. 1799) frå Hemne kjøpte Lurvikgarden i 1824. Han starta opp med landhandel og gjestgjevari. Husa som denne verksemda vart dreve i, vart flytta frå Ruøya til Lurvika i 1828. I 1831 vart det bygd ny hovudbygning, og eit hus vart flytta frå Giset til Lurvika. I 1865 hadde Lossius flytt til Bergen.
Krabbefabrikk
Frå 1935 til 1952 (bortsett frå krigsåra) vart det dreve krabbefabrikk i Lurvika.
Stig Cruickshank
I 1994 vart Lurvika kjøpt av tromsværingen Stig Cruickshank. Dei gamle trehusa på staden stod då til nedfalls, og Cruickshank har restaurert fleire av husa og den gamle bryggja. I 2010 vart det starta matservering her (bryggjekro). Under sommarmånadane er staden populær hjå båtfolket, og det blir arrangert mellom anna konsertar/festar.
Kjelder og linkar
- Leo Oterhals: Inn fra havet, 1989
- Wikipedia: Lurvika Sist vitja: 29.05.12
- Caspar Kahrs Lossius i folketelling 1865 for Bergen kjøpstad fra Digitalarkivet.
- Kommunen vår: Lurvika handel Sist vitja: 29.05.12
- Tidens Krav: Åpner bryggekro i Lurvika Sist vitja: 29.05.12
- Kothe-Næss, Tomas: Den evige optimist Sist vitja: 29.05.12