MB «Tempo» M 114 VA

Fra lokalhistoriewiki.no
Hopp til: navigasjon, søk

MB «Tempo» er i fylgje informasjon i Merkeregister for Volda bygd i Forlandsvåg i Sund i 1938. Båten er ombygd i 1949 med forhøying og dekk i heile båten og den har no brutto-drektighet 10 tonn. Førebels konklusjon er derfor at denne båten er kjøpt brukt "synnja i Statten" slik mange av dei andre sunnmørske notgavlane. Kom igjen godt folk, nokon sit med bilete og meir informasjon.

MB «Tempo» M 22 VN i Vanylven kommune

MB «Tempo», kravellbygd gavlbåt i tre, byggeår 1938. L/B/D: 36,5 / 11,0 / 5,0 norske fot, motor; Volda 22 HK, 2-takts, semidiesel frå 1938. Eigar: Oskar Vik m / fleire, Slagnes i Vanylven. Båten har eit vanleg mekanisk spel, drive av framdriftsmotoren, med «lineskive» og «kopp».

MB «Tempo» M 114 VA i Årset notlag i Volda kommune

«Tempo» M 114 VA blei kjøpt til Årset notlag for kr. 9500,- 31.08.1961, «handpengar», kr. 500,- (kjøpekontrakt) betalt 29. august 1961 ved henting av båt, kjøpesum totalt kr. 10000,-. Kjøpar og seljar møttest på Larsnes der båten vart sett på slipp for inspeksjon før handel vart endeleg avgjort. Rekninga for slippsetjing vart delt likt mellom kjøpar og seljar, kr. 20,- på kvar. Båten fekk påmontert utstyret for bruk av snurpenot frå MB «Joffre» M 13 VA; sute og rull for snurpewire. Der var frå før eit vanleg mekanisk spel, drive av framdriftsmotoren, med «lineskive» og «kopp».

Tida for dei store, felles notlaga var over. Dermed vart det berre eit år i notlaget for «Tempo».

«Tempo» er ein av innkjøpte båtar til Volda kommune som ikkje vart omregistrerte i Register over merkepliktige norske fiskefarkostar.

Seld til Elias Kalvatn / Kalvatn Turistsenter i 1964. Eigarskifte registrert i Merkeregister for Volda 15/6 1968. Elias hadde båten liggande på Bjørke i Hjørundfjorden og brukte den til fiskebåt for turistar.

«Tempo» vart seld vidare. Årstal og kjøpar dukkar nok opp, men er førebels ukjent her.


Kjelder

Informantar

  • Aarset, Hans 1936 - 2015, som har vore med i Årset notlag og har gått gjenom rekneskap og notat
  • Høydalsvik, Oddvar E. f. 1951