Magnus Svarthumle (butikk i Eikefjord)

Magnus Svarthumle sin butikk på Storebru i 1962

Magnus Svarthumle sin butikk på Storebru. I kjellaren på huset like ved vegen til Endestad

Magnus Svarthumle var ein butikk i Eikefjord i noverande Kinn kommune.

Magnus Svarthumle hadde handelskule i Bergen og starta landhandel på Storebru, like ved riksvegen og vegen til Endestad i slutten av 1938. Han selde kolonialvarer, koppar og kar, fint steintøy og sko. Han hadde også ølutsalg med stor omsetnad både til Naustdal og Førde, som ikkje hadde sal av øl over disk så tidleg som i dåverande Flora kommune.

Svarthumle hadde også tønnefabrikk og dreiv med griseavl. Han sette også i gang med campingplass litt lengre oppe ved vegen til Endestad. Firda Folkeblad kunne 3. juli 1980 melde at hyttene var på plass.

Sjå også

• Butikkar i Eikefjord

Kjelder

• Det Norske næringsliv. 14 : Sogn og Fjordane fylkesleksikon. Utg. Det norske næringslivs forl. Bergen. 1953. Digital versjon på Nettbiblioteket.
• Opplysningar frå Bjørg Liseth.
• Firdaposten, arkiv