Narvesen (Sykkylven)

Narvesen AS Sykkylven var ei kioskbedrift i Sykkylven, tilknytta den landsomfattande Narvesen-kjeda.

Narvesen-butikken i Sykkylven kom i gang i 1978 med Petter Hatlemark som dagleg leiar. Viktigaste delen av vareutvalet var norske aviser, blad, tidsskrift og bøker. I tillegg kom det mest etterspurde av utanlandsk presse og billege utanlandske bøker. Vanlege kioskvarer høyrde med, dessutan film og foto. Butikken hadde eiga avdeling for grammofonplater, kassettar og videoutleige.

Nye drivarar tok over kiosken då Petter Hatlemark slutta, men konkurransen i denne marknaden var hard, og etter ei tid vart Narvesen-avdelinga i Sykkylven lagt ned.

Kjelde

• Jon Hole: Handelsnæringa i Sykkylven, Sykkylven 1983.