Olav Klever (1935–2017)

Olav Klever (fødd 1935 i Ballangen, død 2017 i Sauherad) var lokalhistorikar og jordskiftedommar. Klever var med på skipinga av Sauherad historielag.

Klever vaks opp i Ballangen og Sulitjelma. I 1964 blei han uteksaminert ved Norges Landbrukshøgskole i Ås, som jordskiftekandidat. I fleire år var han tilsett i jordskifteverket i Bodø, Tønsberg, Kongsberg og Skien, dei to siste stadene som jordskiftedommar. I 1971 tok han over garden Søndre Tveiten (Opp-Tveiten, gnr 23/2) i Sauherad etter farbroren.

Klever var gift med Bjørg-Marie Frost frå Oslo (f. 1938), og paret fekk dottera Marie (f. 1969).

Sjå også

• Olav Klevers lokalhistoriske samling

Kjelder og litteratur

• Kirkeby, Birger: Bygdebok for Sauherad. Utg. Sauherad kommune. 1982. Digital versjon på Nettbiblioteket.
• Norske gardsbruk. Utg. Foyn forl. 2002. Digital versjon på Nettbiblioteket.
• Varden 2017.11.23. Digital versjon på Nettbiblioteket.