Ole Olsen Bakke
Ole Olsen Bakke (1865-1928) blei født på garden Bakke (søndre) i Gauset, Atrå i Tinn kommune. Foreldra var Ola Gjermundson Bakke og Astrid Olsdatter Måremsrud. Ole var den eldste av seks sysken, og normalt skulle han ta over garden og drive den. Han prøvde seg visstnok som gardbrukar, men følte seg ikkje fysisk sterk nok og lot den yngre broren Gjermund (f. 1879) overta.
Ole O. Bakke hadde ei stor interesse for fotografi og dokumenterte mykje av det som røyrde seg i bygda, alt frå fesjå og gardsarbeid til gravferd og sjøsetting av båtar.
Ole O. Bakke var en samfunnsinteressert person. Han var blant dei frammøtte på Tinn Sparebanks forstanderskapsmøte i 1887, bare 22 år gamal. Han blei tilsett som kasserer i sparebanken fra 1. januar 1899. Denne stillinga sa han frå seg etter godt og vel eitt år fordi han blei utnevnt som lensmann i Tinn (1900–1916) etter sin far som døydde i august 1899.
Bakke var medlem av Tinn herredstyre (1899–1912), ordførar i Tinn (1917–1919) og styreleiar i Tinn Sparebank (1899–1928).
Han leigde eit rom i Tinn Sparebanks bygning på Tollnes ved Sigurdsrud i Atrå. Han var ugift. Døydde av tuberkulose 2. september 1928.
Fotografia etter Ole O. Bakke vert oppbevart ved Norsk Industriarbeidermuseum.
Kjelder
- Ole Olsen Bakke i Historisk befolkningsregister
- Bakke, Ole Olsen (1865–1928) på KulturNav.
- Bakke, Ole Olsen (1865–1928) på Digitalt museum.