Skiens Håndverkerforening
Skiens Håndverkerforening vart stifta i 1846, men gjekk inn kring 1850 og deretter starta opp att i 1879.
Historikk
Då dei gamle handverkslauga i Telemark vart oppheva, fann handverkarane nye måtar å organisere seg på. I kanselliråd B. H. Løvenskiold si framstilling av handverkarane i Skien i 1780 går det fram at 78 personar var handverkarar i Skien dette året. Dette tilsvarte fire prosent av befolkninga.[1] Dei fleste stod tilslutta eigne laug i byen, medan gullsmedane stod tilslutta lauga i Christiania.
Som ein reaksjon på at lauga vart borte, vart Skiens Håndverkerforening stifta av P. Feilberg i 1846. Foreninga gjekk inn berre nokre år seinare, men hadde allereie rukke å stifte ei sangforening som opptrådte offentleg, og ei sparekasse.
15. april 1879 gjenoppstod Skiens Håndverkerforening. Gullsmed Andreas Larsen Schøien (1817-1912) var ein av stiftarane, og P. Feilberg vart samstundes utnemnt som æresmedlem.[2]
Det var Skiens Håndverkerforening som tok initiativ til Telemark fylkes handelsstevne som vart ein fast årleg institusjon fram til krigen braut kontinuiteten.[3] Foreninga dreiv elles med opplysning gjennom foredrag og diskusjonar.
Håndverkerforeninga i Skien var den største i Telemark kring 1950. Då hadde den 112 medlemar.[4] Foreninga hadde sin eigen bygård nytta til utleige til arrangement.
Kjelder
- Borchsenius, J., Skien før branden 1886, Oslo : Fabritius & sønners forlag, 1934.Lenke til digital utgåve på bokhylla.no.
- Sætherskar, Johs. (red.), Det Norske Næringsliv 4, Telemark Fylkesleksikon, Bergen, 1949. Lenke til digital utgåve på bokhylla.no.
Eksterne lenker
- Skien Handverk og Industriforening si heimeside.