Øvre Holland (Sandnes gnr. 97/13)
| Øvre Holland | |
|---|---|
| Fylke: | Rogaland |
| Kommune: | Sandnes |
| Gnr.: | 97 |
| Bnr: | 13 |
| Type: | gardsbruk |
Øvre Holland (Sandnes gnr. 97/13) er ein gard i Sandnes. Den låg før 1965 i Hetland med gnr. 33/13. Gammalt matrikkelnr. 13 og løpenr. 55c og 55d. Utskilt fra gnr. 97/11 tinglest 8. juli 1882.
Brukarar
Halvard Olsen,
født 1840, død 1927. Son til Ola Matiasen, husmann i Bakkjen under Fløysvik i Høle.
Halvard hadde fyrst eit stykke i Heia på Hommarsåk, men han måtte flytta derifrå i 1870 (Garden Hommarsåk-47). Han hadde ein bror i Kastevigjå i Uskakalven og der budde han så. I 1871 kjøpte han eit utmarksstykke på Holland av dei to brørne Ola og Per Perssøner. Her bygde han seg hus og dyrka jorda. Han hadde småbruket til 1914.
Gift i 1867 med Olina Eriksdtr., født 1838, død 1922, dotter til Erik Hansen Bjelland (Bjelland-11).
Barn:
- Dina Olava, født 1868, gift i 1897 Thomas Eiene, politisekretær, budde i Stavanger
- Rakel, født 1871, gift i 1893 med Isak Loddervik, bonde fyrst på Frøyland (Frøyland-81), sidan i Loddervik i Høle
- lnger, født 1874, død 1875
- Inger, født 1876, gift i 1899 med Tosten T. Løvaasvaag, overtok stykket etter svigerfaren (se nedanfor)
- Erik, født 1879, død 1888
- Hendrik Olaus, født 1882, død 1907, fiskar
Tosten T. Løvaasvaag,
født 1873, død 1963. Son til Tosten Hansen, småbrukar i Lauvåsvågjen (Øvrebø (Sandnes gnr. 97/17)).
Han var til sjøs i unge år, og budde då på Hommersåk, så til leige i Stølsvigjå (Folk i bygda-335), og også ei stund på Lura. I 1903 fekk han skilt ut eit stykke av faren sitt småbruk i Lauvåsvågjen (Vågen (Sandnes gnr. 97/7)), men det overlot han til ein svoger då han sjølv blei småbrukar på Holland etter svigerfaren i 1914. Stykket på Holland hadde han fram til 1959. Det var fiske som var hovudnæringa og Tosten hadde tidleg eige notbruk og fleire mann i arbeid.
Gift i 1899 med Inger Holland, født 1876, død 1957, dotter til Halvard Olsen Holland (Lauvås-81).
Barn:
- Trygve, født 1900, budde ei tid på Lauvås (Folk i bygda-294), sidan fiskar og småbrukar i Kvalvåg i Strand, gift i 1924 med Serina Svihus
- Hartvig, født 1902, fiskar, budde på Lauvås (Folk i bygda-317), gift med Regine Øglend (Eltarvåg -78.a)
- Karen Elisabeth, født 1905, gift i 1934 med Alfred Tveit, bonde på Tveit i Høyland
- Olena Henriette, født 1908, gift med Kasper Dale, bonde på Holta i Strand
- Inga Tomine, født 1911, gift med. Andreas Ingebrigtsen, styrmann, budde på Lauvås. Ho overtok sidan stykket etter faren (se nedanfor)
- Torstein, født 1914, fiskar, bur i Vier (Folk i bygda-352), gift med Selma Soltvedt
- Elisa Henrikka, født 1918. gift med Andreas Hofberg Hommersand, møllearbeidar, busett på Hommersåk (Folk i bygda-82).
Inga Ingebrigtsen,
født 1911. Dotter til Tosten T. Løvaasvaag (se ovanfor). Inga overtok småbruket i 1959. Ho er sjukepleiar og jordmor, ei tid var ho helsesyster i Riska.
Gift med Andreas Ingebrigtsen, født 1900, død 1937, styrmann, seilte i utanriksfart.
Barn:
- Johan Reidar, født 1934, dreiar, bur på Hundvåg, gift med Kjellaug Bentsen
Litteratur og kjelder
- Smith, Eivind. Riska. Utg. Sandnes kommune. Sandnes. 1993. Digital versjon på Nettbiblioteket.
- Norges bebyggelse. Utg. Norsk faglitteratur. Oslo. 1958. Digital versjon på Nettbiblioteket.
- Jæren sorenskriveri, AV/SAST-A-100310/01/4/41/41ABB/L0001: Panteregister nr. 41 ABB1, 1898, s. 836-837 i Digitalarkivet
- Jæren sorenskriveri, AV/SAST-A-100310/01/4/41/41ABB/L0008: Panteregister nr. 41 ABB8, 1912, s. 55-56 i Digitalarkivet