Fishanbua
Fishanbua er eit gatekjøken i Kristiansund som har fish and chips som spesialitet. Mot slutten av 1940-åra begynte sjømann Arne Sigurd Moe (født 10. februar 1912 i Ålesund, død 24 august 1963 i Kristiansund) og kona hans, Elvira Adolpha Moe, født Dickson (født 6. desember 1902 i Storbritannia, død 7. mai 1972 i Kristiansund) — lokalt kjent som Fru Moe — å selje fish and chips frå ein sykkel med brett bakpå.
Den første Fishanbua med tak over vart etablert påbegynnelsen av 1950-tallet som det første offisielle utsalet for fish and chips i Noreg. Dette første utsalet var ei blåmåla campingvogn. Fram til 1972 låg Fishanbua nedst i Kaibakken, rett sørom piren. Den originale Fishanbua brann ned i 1972. Den noverande Fishanbua ligg i Arnulf Øverlands gate 1 (tidligare med adressa Storkaia 1).
Fish and chips har fått rolla som typisk kristiansundsk gatekjøkenmat. Kristiansundsbandet Fish and Chips Band tok dette namnet for å vise både lokal tilknyting og tilknyting til britisk popmusikk frå 1960-åra. Ein av songane deira, «Fru Moe», handlar om Elvira A. Moe og Fishanbua.
Galleri
Fishanbua i 2010.Foto: Olve Utne
Faksimile fra Tidens Krav 5. desember 1962; utsnitt av omtale av "Fru Moe" ved 60-årsdagen.
Kjelder og litteratur
- Fishanbua på Facebook.
- Tidens Krav 2009.01.31: «Først i Norge med fishan?». Digital versjon på Nettbiblioteket.
Koordinater: 63.110993° N 7.733042° Ø