Rasmus Jensson Kruna

Fra lokalhistoriewiki.no
Hopp til navigering Hopp til søk

Rasmus Jensson Kruna (fødd kring 1702, død kring 1759) var frå Jostedalen i Sogn og Fjordane. Han var son av Synneva Larsdotter Hellegård (ca 1678-ca 1755) og gardbrukar Jens Rasmusson Vamberg (1674-1733). Han var fødd utanfor ekteskap og voks opp med mora og tanta hennar, Martha Rasmusdotter, som var gardbrukarkone på Hellegård.[1]

Rasmus gifte seg kring 1722 med enkja Anna Andersdotter frå Leirdalen i Luster, og dei dreiv frå 1722 bruket hennar i Leirdalen, men flytte kring 1730 til Jostedalen. Dei dreiv fyrst Hellegård, men bytte kring 1738 til seg grannegarden Kruna der dei vart buande levetida ut.

Rasmus var ein av dei fire jostedølene som møtte på skulemøtet i Solvorn 17. oktober 1741 der skulefundasen for Jostedal prestegjeld vart oppsett og allmugeskulen i Jostedalen vart grunnlagd.[2]

Rasmus er nemnd som lagrettemann i Jostedalen i 1742.[3]

Rasmus og Anna fekk sju born i lag, og fem av dei voks opp:

  • Siri Rasmusdotter (1723-1803), gift med gardbrukar Erik Olson på Kruna
  • Knut Rasmusson (1725-1791), gardbrukar på Øy i Myklemyr
  • Synneva Rasmusdotter (1727-1811), gift med gardbrukarsonen Anders Olson frå Bergset
  • Martha Rasmusdotter (1731-1786), gift med Peder Hermundson på Hellegård
  • Kari Rasmusdotter (1736-1826), gift med lensmann og gardbrukar Lars Tøgerson Snøtun frå det andre bruket på Kruna.

Notar

  1. Øyane 1994, s. 785
  2. Skulefundasen 1741, Jostedal historielag
  3. Tingbok for Indre Sogn, 1742 (Jostedal historielag)

Litteratur

  • Øyane, Lars E. (1994). Jostedal sokn. Gards- og ættesoge for Luster kommune. (Bd. 5). Gaupne: Luster kommune, s. 827. (digital utgåve, NBdigital)