Dagny Rønes
Dagny Johanne Rønes (f. 11.7.1923) er ein tidlegare modist og forretningsdrivande i Sykkylven. Ho vart fødd i Halsa på Nordmøre, men kom som nykonfirmert til Ålesund der ho tok utdanning som modist eller hattemakar. I 1948 vart ho gift med krigsveteranen Per Rønes frå Sykkylven. Samme året flytte dei til hans heimkommune. Seinare i 1948 fekk dei dottera, Synnøve, som vart gift med Oddbjørn Ramstad i Sykkylven.
I 1953 starta Dagny eigen forretning under namnet Dagny Rønes Moteforretning. Her laga og selde ho damehattar. Før ho kom i gang med butikken gjekk ho handelsskule og løyste handelsbrev. I 1955 kjøpte ekteparet Karlsen-huset i Aure sentrum der Dagny dreiv forretning i 30 år. Dei selde huset i 1985.
Dagny Rønes engasjerte seg ein del i lokalsamfunnet utanom forretningsdrifta. Mellom anna var ho med i Sjømannsmisjonen i ei årrekkje. Ho vart også innvald i det kommunale eldrerådet. Elles har ho hatt ein kjær hobby i å skrive dikt. Mange av dikta har vore publiserte i lokalavisa Sykkylvsbladet. I 2010 vart ho presentert i Innflyttarboka som Sykkylven sogenemnd gav ut. Her vart eit av dikta hennar "Lys i mørket" trykt:
Lys i mørket
- Langt inni mørket
- gjemmer seg et lys
- men grenser må krysses
- og hemmeligheter forstås,
- før lyset blir levende
- og kilden kan nåes
- Vi famler i mørket
- og finner ikke vei,
- men kilden den er der
- for deg og for meg
- Den dagen kommer
- da det underlige skjer,
- lyset når oss og vi roer
- oss ned, mørket revner
- og lyset møter oss der.
Kjelde:
- Sunnmørsposten 11.7.2013
- Sykkylven sogenemnd. Innflyttarboka. Sykkylven 2010.