Stranda kommune

Stranda kommune er ein av kommunane på Sunnmøre i Møre og Romsdal, og ligg lengst inn i Storfjorden, der den deler seg til Norddalsfjorden og Sunnylvsfjorden. Stranda kommune grensar mot Norddal i nord og aust. Heilt i søraust grensar Stranda mot Skjåk kommune i Oppland fylke, og i sør mot Stryn og Hornindal kommuner i Sogn og Fjordane fylke. I vest grensar Stranda mot Sykkylven og Ørsta kommune. Den noverande Stranda kommune vart oppretta i 1965, då Sunnylven vart samanslegen med gamle Stranda kommune.

Administrasjonssenteret er tettstaden Stranda. Dei større bygdene er Geiranger, Liabygda og Hellesylt. Kommunen har fire kyrkjer, Stranda kyrkje (Sløgstad kyrkje), Sunnylven kyrkje, Liabygda kyrkje og Geiranger kyrkje.

Riksveg 60 går gjennom kommunen, frå Strandafjellet og Sykkylven i nord, gjennom kommunesenteret Stranda, til Hellesylt, vidare sørover til Hornindal kommune.

Kommunen har eige vinmonopol.

Sjå òg