Louise Østnes (1915-2002)
Louise Østnes (født 26. august 1915, død 10. april 2002) var styrar ved Vuku meieri i Verdal.
Liv og virke
Ho vart født Louise Høilo, og var dotter av Ole Høilo (1865-1951) og Sara Oline Bjartnes (1872-1954). Begge foreldrane kom frå Verdal. Dei budde på garden Midt-Rinnan heilt nord i daverande Frol, no Levanger kommune. Syskenflokken var stor, medrekna halvsysken var Louise nummer sytten i rekka.[1]
I 1930-åra var Louise Høilo ei tid ved Hedmark meieri på Hamar før ho den 1. august 1937 byrja ved Ørlandets meieriskole ved Ørland meieri,[2] og to år seinare gjekk ho ut derifrå med «hovedkarakter 1.68, meget godt».[3]
I august 1940 var ho attende i Innherred, og vart tilsett som bestyrerinne ved Vuku meieri.[4] Her vart ho verande i fleire år, ho var her da meieriet feira femtiårsjubileum i 1947,[5] og sannsynlegvis så lenge meieriet var i drift.[6]
29. juni 1946 gifte Louise Høilo seg med Ola Østnes (1916-2002), og bryllaupet vart feira på Austnes i Vuku.[7] Dei fekk eit langt liv saman, fram til dei gjekk ut or tida med få dagars mellomrom i april 2002. Dei vart begge to stedt til kvile den 19. april 2002 frå Vuku kyrkje. Dei etterlet seg fire born, samt barneborn og oldeborn.[8]
Fotnoter
- ↑ Bye, side 22; Skaanes, side 133.
- ↑ Nordre Trondhjems Amtstidende 13. juli 1937, side 2. Digital versjon på Nettbiblioteket.
- ↑ Nordre Trondhjems Amtstidende 9. desember 1939, side 2. Digital versjon på Nettbiblioteket.
- ↑ Nidaros 3. august 1940, side 5. Digital versjon på Nettbiblioteket.
- ↑ Nidaros 8. oktober 1947, side 5. Digital versjon på Nettbiblioteket.
- ↑ Vuku meieri var i alle tilfelle lagt ned i 1953. Adresseavisen 3. mai 1958, side 2. Digital versjon på Nettbiblioteket.
- ↑ Adresseavisen 29. juni 1946, side 3. Digital versjon på Nettbiblioteket.
- ↑ Innherreds Folkeblad Verdalingen 13. april 2002, side 22. Digital versjon på Nettbiblioteket; Innherreds Folkeblad Verdalingen 20. april 2002, side 22. Digital versjon på Nettbiblioteket; Innherreds Folkeblad Verdalingen 25. april 2002, side 22. Digital versjon på Nettbiblioteket.
Litteratur
- Bye, Julius: Frol : folk og heimar 1801-1950, bind 6, del 1 av Skogns historie. Utg. I kommisjon hos B. Turn-Paulsen. Levanger. 1973. Digital versjon på Nettbiblioteket.
- Skaanes, O.M.. Frolslekten Sæter. Verdal. 1964. Digital versjon på Nettbiblioteket.
Kjelder
- Louise Østnes i Døde 1951-2017 fra Digitalarkivet.
- Lovise Høilo i folketeljinga 1920 for Frol herred frå Digitalarkivet.