Haugvegen (Bø i Telemark)
Haugvegen på Langkåshaugen i Bø i Midt-Telemark kommune går sørover frå Oterholtvegen til Høibøvegen. Han er omlag 280 meter lang og utan fast dekke.
Vegen har namn etter den tidlegare garden Kamperhaug (gnr. 53/9) og blei namnsett i 1967.
Eigedomar
Nr. | Om eigedomen |
---|---|
1 | Gnr. 53/115, «Solvoll». Utskilt frå «Hanto», bnr. 42 i 1969. Kjøpt av snikkar Håkon Åsheim som sette opp huset i 1970. |
3 | Gnr. 53/117, «Landheim». Utskilt frå «Hanto», bnr. 42 i 1968. Kjøpt av Bjarne Olai Grelland som bygde huset same året. Han var forstandar for Pinsemenigheta i Bø. Selde huset i 1977 til Arne Halkinsrud. |
5 | Gnr. 53/120, «Hagebø». Utskilt frå «Hanto», bnr. 42 i 1969. Kjøpt av Arne Haukås som bygde huset same året. Haukås var organist i Bø frå 1968. Selde huset i 1981 til Per Oddvar Marheim Isaksen, tilsett ved TDH. |
7 | Gnr. 53/118, «Seltun». Utskilt frå «Hanto», bnr. 42 i 1968. Kjøpt av Per Selseng som bygde same året. Selde huset i 1973 til heradskasserar Ketil Erikstein. |
8 | Gnr. 53/65, «Vestbø». Utskilt frå Kamperhaug i 1951 og kjøpt av Halvor Skobba. Han sette opp hus her i 1975–76. Skobba dreiv kjøttforretning og slakteri i Bøgata 70 frå 1938 til 1970. |
9 | Gnr. 53/126, «Bjørnehiet». Utskilt frå bnr. 42 «Hanto», bnr. 42 i 1970 og kjøpt av Sven Ove Sebjørnsen som bygde huset i 1971. Sebjørnsen dreiv kafé Frøyatun for Williams A/S. Da han reiste frå Bø, tok dette firmaet over huset, som dei så i 1976 selde til Mari og Gunhild Lie. |
11 | Gnr. 53/41, «Hanto». (Endret bnr. til 42?) |
– | Gnr. 53/9, Kamperhaug. Blei skilt ut ved delinga av prestegarden i 1889. |
13 | Gnr. 53/14, «Haugen». Salmakar Olav Skjelbreihaugen kjøpte den vesle eigedomen frå Høibø bnr. 4 og sette opp stugubygningen. Etter han, overtok Gunnar Kamperhaug som hadde eigedomen over vegen, Kamperhaug bnr. 9, og såleis blei Haugen husestad for denne. Gunnar sette opp uthus. |
15 | Gnr. 53/110, «Vestbø». Utskilt frå Høibø nordre, bnr. 21 i 1967 og kjøpt av Åste Nes og fekk sett opp huset i 1968. Sonen Hans tok over huset i 1976. |
16 | Gnr. 53/142, «Venhaug». Utskilt frå Kamperhaug, bnr. 9 i 1979 og gjeven til Liv og Arvid Thors. Dei bygde huset i 1980. |
17 | Gnr. 53/119, «Solheim». Utskilt frå Hanto i 1967 og kjøpt av Harald Grave. Torleif Grave kjøpte tomta i 1974 og sette opp hus der. |
18 | Gnr. 53/77, «Løkka». Utskilt frå Kamperhaug, bnr. 9, i 1954 og kjøpt av snikkar Halvor O, Kasin som sette opp huset same året. |
19 | Gnr. 53/21, Høibø nordre. Utskilt frå Høibø bnr. 4 i 1910. Stugubygningen blei sett opp i 1911. Eivind Eivindsson Høibo budde og hadde verkstaden sin her til han i 1918 tok over Høibø. Nordre Høibø blei så i 1920 overdrege til Guro Høibe. I 1920-åra budde elles Olav E. Høibø her, og heradskasserarkontoret var då på dette Høibø til han flytte til Krosshaugen. |
Eigedomar
- Utan nr.: Kamperhaug (gnr. 53/9)
- Nr. 11: Haugen (gnr. 53/14)
Kjelder
- Kartverket: norgeskart.no
- Endring av veinavn i Bø og Sauherad. Møte i Fellesnemnda 31. januar 2018 (PDF)