Henri Delgobe

Henri Delgobe (født 24. mars 1874 på Vigsnes Kobberverk i Karmøy kommune, død 13. januar 1950 i Treungen) var lege.

Foreldra var Charles Antoine Delgobe (1844-1916), født i Château-Thierry, Frankrike, og Marie Nicolette Louise Floor (1850-1911), Bergen. Han var gift med Ingebjørg Nilsdatter Hauge, Røldal. Dei hadde ei dotter.

Delgobe byrja å studere i 1893, og tok cand. med. i 1901 og var amanuensis hjå distriktslæge Thode i Hadsel frå 1901 til 1902. Han var i kandidattjeneste og assistenglege fleire stader rundt om i landet, samt lege på kvalfangst i 1913. Han styrde Røldal Distrikt frå 1917-1920, var distriklege i Høgsfjord 1922-1923, stadslege i Mosjøen i 1923-1927 og distriktlege i Nissedal frå 1927 til juli 1941. Frå desember 1941 fram til mai 1942 var han leirlege for Arbeidertjenesten i Vikdal.

Delgobe var medlem i Nasjonal Samling og Hirden. Etter krigen vart han tiltalt for medlemsskapa, tillitsverv og for eit truskapsløfte til Vidkun Quisling. Verst var det at han i 1944 hadde meld ei Solveig Moen til tyskarane av di ho hadde spruta øl på eit bilete av Adolf Hitler. Moen klarte å snakke seg ut av det, og Delgobe vart frifunnen på dette punktet.. Delgobe rapporterte òg til politiet at nokon hadde malt kongemonogrammet H7 ved Treungen stasjon. Dommen han fekk i november 1946 var på eitt års fengsel på vilkår med ei prøvetid på fem år. Han mista også borgerlege rettar ei tid.

Henri Delgobe samla folkemedisin, folkeminner og ordtilfang. Mykje av dette er frå Røldal. I Norsk Folkeminnesamling er der 32 mapper etter Delgobe, og i Hannaas-samlinga i Etno-folkloristisk arkiv er det 7 mapper. Eit av manuskripta Delgobe kom over i Røldal prestearkiv var ei handskriven visebok frå 1600-talet. Denne sendte han inn til Norsk Folkeminnesamling i 1920, og har no arkivsignaturen NFS Delgobe 13.  Norsk Folkeminnelags skrifter 118, 1600-talsviser. Eit handskrift frå Røldal utgitt av Reimund Kvideland i samarbeid med Helge Johnsen, er eit studie av denne.

Kjelder og litteratur

• Larsen, Øivind. 1996. Norges Leger. Bind 1. Den norske lægeforening. Oslo.
• Henri Delgobe i Historisk befolkningsregister.