Kristian Lerheim

Kristian Lerheim (født 1883 i Eid, død 1960) var offiser, revisor, lokalpolitikar og ein kort periode òg fotograf.

Han avla eksamen ved infanteriunderoffiserskolen i Bergen i 1904. Lerheim reiste så til Ulsteinvik og lærte seg fotografering. Han freista frå 1905/06 å livnære seg som fotograf på Sulalandet. Men han slutta tidleg, rundt 1915, såpass tidleg at ikkje alle av hans åtte barn har minne om det. I mange år var han forretningsførar for trygdekassa i kommunen, og i 1919 vart han tilsett som revisor ved Langevaags fabrikkar. Denne stillinga hadde han til han gjekk av for aldersgrensa i 1948.

Han hadde ein omfattande militær karriere med kapteins grad då han gjekk av for aldersgrensa. Han var òg var aktiv i ei avholdslosje, og han var sentral i byggekomiteen for Langevåg kyrkje. Lerheim var aktiv målmann.

Ein del av hans glasplater vart i 1983/4 overtekne av Aalesunds Museum. Det eldste av desse som er tidfesta er frå hans eige bryllaup 21.07.1907. Utifrå det materialet Aalesunds Museum har overteke kan ein slå fast at han hadde kamera for bilete i tre format: visittkort (8x12 ca), kabinett (12x16 cm) og 18x24 cm.

Kilder

• Første versjon av artikkelen er henta fra Preus museums register over norske fotografer.
• Kristian Lerheim på Digitalt museum.
• Kristian Lerheim på KulturNav
• Erlandsen, Roger: Norske fotosamlinger. Utg. Ad Notam. Oslo. 1989. Digital versjon på Nettbiblioteket
• Sunnmørsposten 21.01.1984
• «Løytnant Kristian Lerheim» (50-årsdag) i Den 17de Mai 1933-02-17. Digital versjon på Nettbiblioteket.
• Kristian Lerheim i Historisk befolkningsregister.
• «Dødsfall» i Norges Handels og Sjøfartstidende 1960-08-06. Digital versjon på Nettbiblioteket.

Denne siden er en spire. Du kan hjelpe den til å vokse seg stor og sterk! Denne sida er ei spire. Du kan hjelpe henne til å vekse seg stor og sterk!