Kristian Stakston
Kristian Stakston (født 12. november 1874, død 17. desember 1957) var fotograf og urmakar i Gudbrandsdalen.
Han var son av Thora (Tore) Stakston og Hans Christian Stensrud. Faren døydde tidleg, og mor og tre barn flytta attende til Stakston i Skåbu der mora kom frå. Han vart gift med Anne Viken (f. 1889). I folketeljinga 1900 finn vi han oppført som ugift fotograf.
Kristian Stakston mista høgre hand ved ei jaktulykke 18 år gammel, men var allereie neste vinter på tømmerhogst. Han vart fotograf og urmakar etter å ha prøvd seg som snikkar og mekanikar. Han var også felespelar. I 1900 flytta han til Lalm, og i 1902 til Vågåmo. Han byrja å fotografere i Skjåk i 1906, der han dreiv forskjellige stader inntil han bygde sitt eige hus med atelier og mørkerom. Her fotograferte han sine sambygdingar gjennom eit langt liv, mellom anna ved bryllaup og gravferder. Det finst etter ham ei rekkje opptak frå de gamle gards- og veganlegga og frå skredulykka i Nordberg i 1913, da 13 menneske omkom.
Skjåk Historielag har teke vare på hans store platearkiv, og held på med å identifisere materialet.
Verkestader:
Sjå også
Kjelder
- Første versjon av artikkelen er henta fra Preus museums register over norske fotografer.
- Kristian Stakston på Digitalt museum.
- Kristian Stakston på KulturNav
- Bonge, Susanne: Eldre norske fotografer : fotografer og amatørfotografer i Norge frem til 1920. Utg. Universitetsbiblioteket i Bergen. 1980. Digital versjon på Nettbiblioteket
- Erlandsen, Roger: Norske fotosamlinger. Utg. Ad Notam. Oslo. 1989. Digital versjon på Nettbiblioteket
- Hosar, Kristian: Årbok for Gudbrandsdalen 1979
- Gudbrandsdølen og Lillehammer Tilskuer 07.11.1984
- Kristian Hans. i folketelling 1900 for Nord-Fron herred fra Digitalarkivet
- Kristian Stakston i folketelling 1910 for Skjåk herred fra Digitalarkivet.
Eksterne lenkjer
|
Kristian Stakston er basert på data fra Preus Museums registre over norske fotografer og fotografiske samlinger, som er tilgjengelig på Nasjonalbibliotekets nettsider. Artikkelen er lagt ut under lisensen cc-by-sa. Lokalhistoriewikis brukere kan fritt redigere og utvide artikkelen. Flere artikler finnes i denne alfabetiske oversikten. |