Ryggvegen (Bø i Telemark)

Ryggvegen i Bø i Midt-Telemark kommune er ein kort blindveg som går austover frå Oterholtvegen på Langkåshaugen og er 120 meter lang.

Ryggvegen på Langkåshaugen sett austover frå Oterholtvegen.

Foto: Roy Olsen (2017).

Vegen har namn etter landskapsforma – han går på ein rygg i terrenget. Det ligg fem einebustader til Ryggvegen. Tomtene blei utskilt frå garden Kamperhaug, gnr. 53/9 mellom 1947 og 1950.

Eigedomar

Nr.	Om eigedomen
1	Gnr. 53/57, «Haugtun». Utskilt frå Kamperhaug, gnr. 53/9 i 1947 til Anne G. Kamperhaug. Eigar frå 1978, Roar Fåne som sette opp hus kring 1979.
2	Gnr. 53/63, «Libø». Utskilt frå Kamperhaug, gnr. 53/9 i 1950 til Sveinung Aslakson Moen.
3	Gnr. 53/59, «Hauger». Utskilt frå Kamperhaug, gnr. 53/9 i 1949 til Erik E. Langkås.
4 A–E	Same eigedom som nr. 2. Pr. 2020 prosjektert fleirmannsbustad med fem bueiningar.
6	Gnr. 53/179, «Gardsteig». Utskilt frå Libø, gnr. 53/63 i 1988 til Bente Lauvmo. Tomta hadde tidlegare nr. 4 og er pr. 2020 ubebygd.
7	Gnr. 53/58, «Nordli». Utskilt frå Kamperhaug, gnr. 53/9 i 1949 til Tollef H. Oredalen.
8	Gnr. 53/62, «Voll». Utskilt frå Kamperhaug, gnr. 53/9 i 1950 til Eilef E. Langkås.

Kjelder

• Kartverket: norgeskart.no
• Bø Blad 24. desember 2020.
• Arkivverket, grunnbok.