Sagelva (Lesja)
Sagelva er namnet på eit konstruert vassdrag heilt vest i Lesja kommune. Det går ut frå Asbjørnsåe vest for Rånåkollen og renn ut i Ulvåa på fylkesgrensa mot Møre og Romsdal. På amtskartet frå 1845-51 kan vi tydeleg sjå elva innteikna.
Vassdraget vart truleg grave ut i samband med oppbygging av sagbruk i regi av Lesja jernverk sist på 1600- eller fyrst på 1700-talet og var i bruk til ordinær sagdrift av Brøstsaga fram til 1959. I åra etter 1999 er Sagelva Vasskraftsenter bygd ut i nedste del av elva.
Litteratur
- Kjelland, Arnfinn 1987: Bygdebok for Lesja bd. 1. Gards- og slektshistorie for Lesjaskogen.