Anders Aarvik
Det har trolig ikke vært gjort noen endringer på artikkelen den siste uka. I så fall kan denne markeringa fjernes, men sjekk redigeringshistorikken og eventuelt diskusjonssida først.
Anders Aarvik (fødd 19. oktober 1884 i Rovde på Sunnmøre, død 1970) var lærar, lokalpolitikar og organist på Eina på Toten.
Han var son av bonde Albrekt Aarvik og Ingeborg. Anders Aarvik tok eksamen ved Volda lærarskule i 1904.
Aarvik vart som nyutdanna tilsett som lærar i krinsane Åbjør og Merket i Nord-Aurdal. I 1908 kom han til Eina, der han vart resten av yrkeslivet. Dei fyrste åra var han lærar i krinsane Prestvoll og Tomlevoll, men frå 1918 hadde Anders Aarvik full post på Tomlevoll-skulen.
I 1911 vart han organist i kyrkja på Eina, og denne jobben hadde han heilt til 1955. Frå 1916 var Aarvik målsmann for lærarane i skulestyret. Aarvik hadde fleire kommunale ombod i bygda. Han var mellom anna overformyndar (frå 1919), kommunerevisor (frå 1923), medlem av heradsstyret (1915-18), medlem av soknerådet og formann/forretningsførar i Eina forsyningsnemnd. Han var òg den fyrste dirigenten til Einastrand Mannskor.
19/10 1910 vart han gift med einajenta Maren Strande (1892-1940), dotter av gardbrukar Even Strande og Marthea. Dei fekk sønene Asbjørn og Erling. Erling hadde dessutan ei tvillingsyster, Magna Idun, som berre vart eitt år gammal. Aarvik-familien budde frå 1920 på staden Rogne på Eina. Eldstesonen Asbjørn Aarvik (1911-86) vart lærar, til liks med faren.
Kjelder og litteratur
- Mal:Folketelling person
- Bækkelund, Bjørn m.fl.: Totens Bygdebok bind V, Eina, Kapp 1998, s. 399 og 410.
Bakke, Karl: Norske skolefolk (andre utgave): bind 2, Dreyer forlag, Stavanger 1952. Digital versjon på Nettbiblioteket Espeland, Arne: Norske skolefolk (første utgave), Dreyer forlag, Stavanger 1934. Digital versjon på Nettbiblioteket
- Gjørvad, Olav (red.): Totens bygdebok II (andre utgave), Oslo 1953, s. 485.