Anders Aarvik

Fra lokalhistoriewiki.no
Hopp til: navigasjon, søk
Anders Aarvik.
Foto: Totens bygdebok II

Anders Aarvik (fødd 19. oktober 1884 i RovdeSunnmøre, død 2. april 1970) var lærar, lokalpolitikar og organist på EinaToten.

Han var son av bonde Albrekt Andersen Aarvik og Ingeborg Jetmundsdotter. Anders Aarvik tok eksamen ved Volda lærarskule i 1904.

Aarvik vart som nyutdanna tilsett som lærar i krinsane Åbjør og Merket i Nord-Aurdal. I 1908 kom han til Eina, der han vart resten av yrkeslivet. Dei fyrste åra var han lærar i krinsane Prestvoll og Tomlevoll, men frå 1918 hadde Anders Aarvik full post på Tomlevoll-skulen.

I 1911 vart han organist i kyrkja på Eina, og denne jobben hadde han heilt til 1955. Frå 1916 var Aarvik målsmann for lærarane i skulestyret. Aarvik hadde fleire kommunale ombod i bygda. Han var mellom anna overformyndar (frå 1919), kommunerevisor (frå 1923), medlem av heradsstyret (1915-18), medlem av soknerådet og formann/forretningsførar i Eina forsyningsnemnd. Han var òg den fyrste dirigenten til Einastrand Mannskor.

19/10 1910 vart han gift med einajenta Maren Strande (1892-1940), dotter av gardbrukar Even Strande og Marthea. Dei fekk sønene Asbjørn og Erling. Erling hadde dessutan ei tvillingsyster, Magna Idun, som berre vart eitt år gammal. Aarvik-familien budde frå 1920 på staden Rogne på Eina. Eldstesonen Asbjørn Aarvik (1911-86) vart lærar, til liks med faren.

Kjelder og litteratur

Eksterne lenker