Austefjord Museum
Austefjord Museum, Årsetøysamlingane er bygdemuseum i Austefjorden i Volda. Grunnstamma i museet er dei natur- og kulturhistoriske samlingane som brørne Knut og Andreas Årsetøy bygde opp på den vesle Årsetøya ute i sjølve Austefjorden.
I 1971 lanserte Austefjord Bondekvinnelag v/leiar Anna Gjersdal ideen om å etablere eit museum med eige museumsbygg. Året etter vart Austefjord Museumslag etablert med Asbjørn Hustadnes som leiar. Laget eig samlingane. Museet fekk løyve til å føre opp eit bygg i tilknyting til Austefjord skule. I 1977 starta byggearbeidet, i stor grad på dugnad, og i august 1978 vart museet førebels opna. Heldigvis vart det bygd som ei eiga branncelle, for i 2005 vart det eldste skulebygget totalskadd i brann.
Ved museet er det og etablera eit register over lokale fiskebåtar.
Kjelder
- Høidal, Eldar 2007. Busetnadssoga for Volda bd 3 s. 213.
- Heimeside under Volda bygdetun (henta 29.6.2010)