Bjørkelund (Bykle gnr 2/25)
Hopp til navigering
Hopp til søk
Bjørkelund | |
---|---|
Utskilt: | 1955 |
Stad: | Hovden |
Sokn: | Bykle |
Fylke: | Aust-Agder |
Kommune: | Bykle |
Gnr.: | 2 |
Bnr: | 25 |
Type: | Bustadseigedom |
Bjørkelund var ein bustadseigedom på Hovden. Tomta låg i kanten av riksvegen i bakken like ovanfor der huset åt Knut Vatnedalen (Flatemo, bnr 32) låg. Det var sylvsmeden Jon Knutsson Helle frå Hylestad som sette opp hus her i 1955 etter å ha festa tomta frå bnr 1 same året. Jon var her om sumrane frå 1955 til 1977, sat her og arbeidde sylv, og selde til turistane.
Vinterstid var han og familien hans på bruket Nybrot i Helle, gnr 70, bnr 15 (jfr. Valle I, 168). Då Jon døydde i 1988, gjekk tomta attende til Åshild Lidtveit og Tone Uleberg, som då overtok huset frå ervingane etter Jon Helle.
Sidan har Bykle kommune overteke eigedomen, og rive huset, avdi det kom i vegen for ein reguleringsplan.