Fieldfare-operasjonen
Fieldfare-operasjonen er nemninga på oppdraget tre Kompani Linge-karar frå Ålesund: Birger Strømsheim, Olav Aarsæther og leiaren Joachim Rønneberg gjennomførte i området Tafjordfjella - Romsdalen i perioden mars 1944 - mai 1945. Dei tre hadde tidlegare vore med på Tungtvannsaksjonen på Vemork.
Gruppa skulle organisere motstandsgrupper og førebu jernbanesabotasje. Natta mellom 5. og 6. januar 1945 sprengte dei Stuguflottbrue etter ein strabasiøs marsj i djup snø og sterk kulde frå basen dei hadde i Veltdalen om lag 25 km inne i fjellområdet. Sprengninga var vellykka og blokkerte den tyske jernbanetrafikken i 19 dagar. På bildet kan ein sjå reparasjonen etter sprenginga.
Den vesle hytta karane bygde opp i Veltdalen, er rekonstruert av Ålesund-Sunnmøre Turistforening, sjå lenke.
Linge-karane hadde kontakt med og hjalp til med å organisere og trene ei milorg-gruppe med medlemer frå Verma, Lesjaskog og Bjorli våren 1945.
Den rekonstruerte Fieldfare-hytta
=Litteratur
- Lunde, Jon Vegard 1982: «- Det var ei rar tid». Hjemmefronten i Gudbrandsdalen 1940-45. Otta, s. 240-41.
- Om Joachim Rønneberg på nettutgåva av Norsk biografisk leksikon
- Fieldfare-hytta på ut.no