Flatdalsvegen (Seljord)

Flatdalsvegen sett nordover i Sundbøgrendi.

Foto: Roy Olsen (2021).

Flatdalsvegen i Seljord kommune går nordover frå Vallarvegen (E134) ved Lønnestad. Vegen fylgjer Vallaråi på austsida, går langs Flatsjå og gjennom Flatdal og dei brattlendte svingane ved Nutheim, til kommunegrensa mot Hjartdal der han går over i Hjartdalsvegen.

Vegen er kring 14 km lang har namn etter grenda Flatdal.

I Flatdal finn me ein av svært få autentiske norske landsbyar. Her er 10-12 gardar, litt ettersom korleis ein reknar, samla i ein huskrull medan jorda som høyrer til gardane ligg spreidd utover den nesten 3 000 dekar store flata mot Flatsjå. Heilt øvst i Flatdal ligg Nutheim gjestgiveri som blei sett opp som Nutheim Hotell i 1877 i ei tid da det veks fram eit lite grendelag her.

Kjelder

• Kartverket, norgeskart.no
• Haukelivegen Seljord.