Kari Veiteberg

Kari Veiteberg (fødd 4. februar 1961) har sidan desember 2017 vore biskop av Oslo. Tidlegare har ho mellom anna arbeida for Kirkens Bymisjon.

Ho vart cand.theol. ved Universitetet i Oslo i 1988, og tok praktikum året etter. I 2006 tok ho doktorgraden i teologi med avhandlinga Kunsten å framføre gudstenester. Dåp i Den norske kyrkja.

Frå 1989 til 1991 var ho hjelpelærar i Det nye testamentet ved Det teologiske fakultet. Så byrja jo å virke som prest, og var i teneste fleire stader i landet. Den siste stillinga ho hadde før ho vart utnemnd til biskop var som bymisjonsprest.

Foreldra til Veiteberg var Ragnhild, f. Tufto frå Kvisla i Hol, og Karl Veiteberg frå Jølster. Ho vaks opp på Stord med tre systre: Jorunn (f. 1955), Åse (f. 1957) og Anne (f. 1966). Kari Veiteberg vart i 1988 gift med Rolv Nøtvik Jakobsen, og dei har to born.

Litteratur og kjelder

• Kari Veiteberg på Wikipedia på bokmål og riksmål.
• Reinton, Lars: Folk og fortid i Hol. Utg. I kommisjon hos Grøndahl. 1972. Digital versjon på Nettbiblioteket.