Knut Åsen

Knut Åsen (fødd kring 1565, død kring 1650) var truleg frå Gaupne i Luster i Sogn og Fjordane.

Han vart gardbrukar og leiglending på Åsen før 1600 og dreiv garden fram til kring 1628.

Knut var lensmann i Jostedalen frå kring 1611-14 og visstnok i fleire år framover.

Han var i si tid einaste jordeigaren i Jostedalen, men alle gardpartane var utanfor Jostedalen - La og Elvetun i Hafslo, og Råum og Sandviki i Luster.

Han må ha vore gift, men kona hans er ukjend. To born etter han er kjende:

• Anders Knutson (1596-1653), gardbrukar i Åsen og svigerfar til Ole Arneson Åsen
• Kari Knutsdotter, gardbrukarkone på Sperla.

• Øyane, Lars E. (1994). Jostedal sokn. Gards- og ættesoge for Luster kommune. (Bd. 5). Gaupne: Luster kommune, s. 210. (digital utgåve, NBdigital)