Lucine Nesterud
Lucine Nesterud (fødd på Vestre Toten 1787 død i Kristiansand 1878) var haugianar. Ho var gift Bacherud og deretter Moe, men blir oftast omtala i kjeldene med Nesterud som etternamn. Ho kom frå ein bondefamilie på Toten, og vart saman med to ektemenn ein del av det kristiansandske næringsdrivande borgarskapet, som eigarar av eit boktrykkeri i byen og forretningsdrivande også på andre felt.
Opplysningar om Lucines vita er noko uvisse. Ho var venteleg fødd på garden Grevlaus i Ås sokn i Vestre Toten den 18. januar 1787.[1] Foreldra var Johan (eller Johannes) Olsen (fødd ca 1754) og Helene Svensdotter, ho visstnok frå Serstad. Dei var etter alt å dømme gardbrukarar på Grevlaus, men flytta seinare til Nesterud i same bygda, der familien er registrert i folketeljinga 1801.[2] Lucine er der registrert saman med seks andre sysken. Den eldre systera Berthe, som også var ein kjend haugianar, hadde truleg flytta heimefrå på teljingstidspunktet.
Referansar
- ↑ Nettstaden geni.com Wikibrukar Hans P. Hosar har gått gjennom barnedåpar i kyrkjeboka for Toten 1786-1788, utan å lykkast i å finne Lucine der.
- ↑ Mal:Folketelling person