MB «Strandheim»

MB «Strandheim» står på slipp i 1955 og får vårpuss. Ståande Paul Strand, den andre er Oddvar Muren. «Strandheim» var nesten kvart år på 1950 talet innom båtbyggeriet for slippsetting og vanleg vedlikehald.

MB «Strandheim» var en kutter. Båten ble ombygd i 1946. «Spiren» er lagt ut av Wiki, men kva slags ombygging i 1946 er ikkje forklart.Mal:Thumb høyre

MB«Strandheim» M-83-S, var bygd for Hans Strand m. fl. i 1935 av Lars Salthammer på Vestnes, Møre og Romsdal. Lengda på båten er i fiskeriregisteret frå 1938, 42,8 fot, bredde 13,2 fot og djupte 6,7 fot. Motor 22 HK Volda og ein fangstbåt. Anvendelse; k som står for kystfiske. Kallesignal:LCLB.

Båten kom til L/L Vik Båtbyggeri for forlenging. Her skulle det gjerne vore eit sikkert årstal å vise til, men det ein kan vise til frå verkstedet er datering ut frå dei få bileta ein finn. Det som gir rettleidinga her er nybygget som står på beddingen ved sida til Strandheim. Det viser ein båt med halvbakk og i desse åra var det berre «Høydølen» som var bygd slik. «Høydølen var levert i 1950 og då må biletet vere frå 1949. Sjå også båtlista for Vik.

Fiskeriregisteret for 1950 viser at båten er forlengd til 50,0 fot, br. 13,5 fot, dj. 6,7 fot som før. Ved forlenging aukar breidda litt når for og bakpart vert knytt saman og skal få ei naturleg linjeføring. Alle måla i fiskeriregisteret for denne båten er i opprettståande skrift, det tyder norske fot. Under forlenginga var eigarane med og såg til at lengda vart akkurat 50 fot. Utføring og dimensjonar ved slike arbeid vert som når båten var nybygd. Artiklane om Doblingspant og Hud og dekk har med litt om den vanlege byggemåten ved Vik. Historia om MB«Strandheim» har Paul Birger Karlsen, Espeland forklart detaljert. Han har også med namna på dei mange båteigarane. Les om dette på lenkja under artikkelen.

Bilder

• 

  Båten ser her ut for å vera nesten klar for sjøsetting.

• 

  Nybygget til venstre er «Høydølen», levert i 1950 og bildet er då frå 1949.

• 

  Her er MB «Strandheim» på slipp for vårpuss rundt 1955. Er det rett årstal så er det «Arne Longva» som vert bygt under taket bak «Strandheim».

• 

  Karane i prama plukar opp putekilane som flotnar opp når båten kjem på sjøen.

• 

  Ein storm i 1953 sende MB«Strandheim» i fjøra.

Kjelder

• Fortegnelse over Merkepliktige Norske Fiskefarkoster.
• Håkon Høydalsvik, tidlegare medeigar i båtbyggeriet.
• Jakob Strand, medeigar i «Strandheim».

Ekstern lenkje

STP Scandinavian Transport Portal