MB «Tempo» M 114 VA

Fra lokalhistoriewiki.no
Sideversjon per 9. nov. 2010 kl. 18:57 av Oddvar Høydalsvik (samtale | bidrag) (Bygg om stykket ved redigering)
Hopp til navigering Hopp til søk

MB «Tempo» M 22 VN i Vanylven kommune

Det fyrste ein førebels har funne om båten er MB «Tempo», kravellbygd gavlbåt i tre, byggeår 1938. L/B/D: 36,5 / 11,0 / 5,0 norske fot, motor; Volda 22 HK, 2-takts, semidiesel frå 1938. Eigar: Oskar Vik m / fleire, Slagnes i Vanylven. Båten har eit vanleg mekanisk spel, drive av framdriftsmotoren, med «lineskive» og «kopp».

MB «Joffre» M 13 VA i Årset notlag i Volda kommune

«Tempo» M 114 VA blei kjøpt til Årset notlag for kr. 9500,- 31.08.1961, «handpengar», kr. 500,- (kjøpekontrakt) betalt 29. august 1961 ved henting av båt, kjøpesum totalt kr. 10000,-. Kjøpar og seljar møttest på Larsnes der båten vart sett på slipp for inspeksjon før handel vart endeleg avgjort. Rekninga for slippsetjing vart delt likt mellom kjøpar og seljar, kr. 20,- på kvar. Båten fekk påmontert utstyret for bruk av snurpenot frå MB «Joffre» M 13 VA; sute og rull for snurpewire. Der var frå før eit vanleg mekanisk spel, drive av framdriftsmotoren, med «lineskive» og «kopp».

Tida for dei store, felles notlaga var over. Dermed vart det berre eit år i notlaget for «Tempo».

«Tempo» er ein av innkjøpte båtar til Volda kommune som ikkje vart omregistrerte i Register over merkepliktige norske fiskefarkostar.

Seld til Elias Kalvatn / Kalvatn Turistsenter i 1964. Elias hadde båten liggande på Bjørke i Hjørundfjorden og brukte den til fiskebåt for turistar.

«Tempo» vart seld vidare. Årstal og kjøpar dukkar nok opp, men er førebels ukjent her.


Kjelder og informantar