Peter Vogelius Deinboll
Det har trolig ikke vært gjort noen endringer på artikkelen den siste uka. I så fall kan denne markeringa fjernes, men sjekk redigeringshistorikken og eventuelt diskusjonssida først.
Peter Vogelius Deinboll(fødd 8. januar 1783 i København, død 13. mai 1874i Vestre Aker (nåverande Oslo kommune), var teolog, skulemann, politikar og naturvitskapsmann.
Familie
Han var son av tallotterikollektør Christian Deinboll og Karen Christiane fødd Holm. Peter V. Deinboll gifta seg 1809 Anna Marie Dorthea Deinboll (1781-1858). Foreldra hennar var konsumpsjonsforvaltar Jørgen Deinboll og Anna Margrethe Elisabeth fødd Holm. Peter V. Deinboll og kona var syskenborn.
Utdanning og fagområde
Deinboll tok filosofisk eksamen ved universitetet i København i 1801. Etter eit opphald i Noreg, vidareførde han studiane i København frå 1805, både medisin og teologi, utan å ta avsluttande eksamenar der. Han fullførde seinare sine teologiske studiar ved det nye universitetet i Christiania, og vart cand. theol. derifrå i 1815.
Lærar og prest
Under det fyrste opphaldet sitt i Noreg var Deinboll mellom anna som huslærar hjå kaptein F.C. von Ditten på Råen i Øvre Eiker. Lærargjerninga følgde med han gjennom heile karrieren, og skulevesenet var han også særskilt oppteken av som politikar.
Da han på nytt kom til Noreg i 1808, denne gongen for godt, var han fyrst huslærar i Holmestrand. Så starta han sin eigen privatskule der. Frå Holmestrand flytta han til Drammen, der han var kyrkjesongar i Bragernes kyrkjelyd. Ved sida av dette underviste han ved borgarskulen i Drammen.
1815/1816-1824: sokneprest i Vadsø, ansvar for alle soknekall i Aust-Finnmark og prost frå 1819. 1824-1832: Sokneprest i Løten. Der dreiv han privatundervisning for ungdom som ville studere, ei verksemd som ofte blir omtala som Prost Deinbolls institutt. Mellom andre Nikolai Ramm Østgaard og Bernt Lund fekk si artiumsførebuande undervisning der. 1832–1857: sokneprest i Bolsøy og Molde. Prost i Romsdal prosti 1844–1850.
Politikar
Stortingsrepresentant for Finnmark i 1820, 1822 (overordentlig storting), 1824. Seinare var han vararepresentant til Stortinget frå Kristiansund og Molde