Reshjemvegen

Reshjemvegen (Fv 152) går sørvestover frå Merdevegen ved rundkøyringa for E134 på Tuven på Notodden, kryssar kommunegrensa på Reshjemheia, og endar i krysset med Lifjellvegen og Folkestadvegen ved Tjønntveit i Bø.

Vegen er om lag 23 km lang. På Tuven kryssar han rullebanen til Notodden flyplass, for like etter å krysse elva Heddøla på den 72 m lange Strupa bru. Etter å ha passert gjennom den lille tettstaden Yli, startar den bratte oppstigninga til Reshjemheia. Etter vegens høgste punkt over heia på 400 m.o.h., passerer vegen garden Reshjem som vegen har namn etter. I enden av Reskjemvatnet kryssar vegen kommunegrensa mellom Notodden og Bø, og herifrå ber det jamnt nedover. Ved Vatnar skule kryssar vegen elva Lonåa på bru, og følgjer elva vidare nedover til den kryssar Åseelva ved krysset med Rallevegen.

På bøsida blei vegen namnsett i 1991.

Kjelder

• Kartverket: Norgeskart
• Formannskapets møteprotokoll 15. januar 1991, sak nr. 4.