Stortingsvalet i Nordre Bergenhus 1815

Ved stortingsvalet i Nordre Bergenhus 1815 vart prega av haugianarane slik valet i i amtet hausten 1814 hadde vore det. Torgeir Næss vart attvald medan sambygdingen Hans Urdahl kom inn.

Valde representantar

Desse vart valde:

Verv	Namn/tittel	Merknad
1. representant	Amtmand C. M. Falsen	Møtte på Riksforsamlinga
2. representant	Gaardbr. T. H. Næss	2. representant 1814
3. representant	Gaardbr. L. J. Thingnæsset
4. representant	Lensmand H. A. Urdahl
1. suppleant	Gaardbr. O. E. Hjelle
2. suppleant	Kaptein O. E. Holck	Møtte på Riksforsamlinga
3. suppleant	Lensmand J. Onstad
4. suppleant	Lensmand A. T. Bruland

Valet

Valtinget vart halde i Eivindvik prestegard 18. januar 1815. 60 valmenn møtte, men dei tre frå Selje møtte fyrst etter at valet vart avgjort.

Det vart røysta på 34 ulike personar, og dei valde fekk 54, 30, 28, 24, 16, 11, 8 og 8 røyster. Rekkjefylgja på dei to siste suppleantane vart avgjord ved loddtrekning. Det vart ikkje halde særskilt suppleantval.

Etter desse fekk lensmann Opdal 2 røyster og sorenskrivar N. Landmark, O. T. Svanøe, kaptein K. K. Holck og P. P. Hjermann ei røyst kvar. Hjermann hadde møtt på Riksforsamlinga medan Svanøe vart vald til Stortinget hausten 1814.

Falsen budde i Bergen der amtmannen heldt til, men valet av han vart likevel godkjent med 58 mot 25 røyster.

Frammøte på Stortinget

Representantane møtte på det fyrste ordinære Stortinget som kom saman 1. juli 1815 og vart oppløyst 6. juli 1816.

Falsen vart mellombels permittert 5. september og 20. oktober, og drog heim 26. juni 1816 utan at det vart kalla inn suppleant for han. Urdahl vart permittert på grunav sjukdom 19. september, og Ohnstad (3. suppleant) vart innkalla same dag og møtte frå 28. november. Det er ukjent kvifor ikkje 1. eller 2. suppleant vart innkalla før han.

Kjelder

• Lindstøl, Tallak. (1915). Stortinget og statsraadet 1814-1914. Bd. 2, del 1. De enkelte storting og statsraader. Kristiania: Steen'ske bogtrykkeri, s. 29-30 (Digital utgåve, NBdigital).