Arthur Berby
Arthur J. Berby (født 30. oktober 1892 i Idd, død 1977) vart landskjend då han som ein av leiarane i fagrørsla i Grenland vart arrestert og dømt i samband med dei fyrste demonstrasjonanen under Menstadkonflikten i 1931. Berby hadde vore aktiv i både ungdomsrørsla og den faglege samorganisasjonen i Skien. Han stifta og var leiar i ei rekkje fag- og partiforeiningar, m.a. Herøya Arbeiderforening frå stiftinga i 1929 til 1932.
Han var son av husmann Johan Kristian Eliasen og Augustua Bernhardine Johannesdotter. Faren var frå Idd, og mora frå Sverige. Då han var døypt i Idd kyrkje den 5. februar 1893 budde dei på Kirkebøen.[1] I folketeljinga 1910 står han som losjerande på Løvmon, men under «sedvanlig bosted» står det Bærby,[2] så det er der han fekk det namnet frå.
I 1993 fekk Arthur Berby ein veg oppkalla etter seg i industriparken på Herøya i Porsgrunn. Vegen vart fjerna då det skjedde utbyggingar i industriparken i 2010. Vegnamnet "Arthur Berbys vei", vart samstundes sletta.[3]
Arkiv
- Arkivet etter Arthur Berby er ordna ved Arbeiderbevegelsens arkiv i Telemark. Oversikta over arkivet kan studerast på lenka til arkivportalen.
Eksterne lenker
- "Arthur Berbys erindringer". Lenke til digital utgåve på Porsgrunn bibliotek sine nettsider.
- Møte med Arthur Berby, arbeidsleder og politiker i 1930-årene. Han forteller om arbeidsvilkår, om fagforeninger, streiker, Menstadslaget og om sine år som kommunepolitiker. Programleder er Bjørn Honerød. Lenke] til digital utgåve på NRKs nettsider.
Referansar
- ↑ SAO, Idd prestekontor Kirkebøker, F/Fb/L0002: Ministerialbok nr. II 2, 1882-1923, s. 46 i Digitalarkivet.
- ↑ Arthur Johansen i folketelling 1910 for Idd herred fra Digitalarkivet.
- ↑ Lenke til artikkel i Porsgrunns Dagblad, 29. mars 2010. (Lest 31. januar 2018, kl. 17.45.)
Kjelder
- Andersen, Aud Sandaaker (red.), Glimt fra arbeiderbevegelsens historie i Telemark : LO 100 år 1899-1999, Skien : LOs distriktkontor i Telemark, 1999. Lenke til digital utgåve på bokhylla.no.
- Arthur Berby i Historisk befolkningsregister.