Eystein Gjelsvik (1881–1950)

Eystein Gjelsvik (fødd 1881 i Vevring, død 1950 i Ski) var landbruksmann. Foreldra var gardbrukar Nils Gjelsvik og Oline fødd Svardal. Han var gift med Lina Relling (1885-1968) frå Norddal. Dei slo seg ned i Ski i 1917 og bygde seg hus i Kirkeveien. Ekteparet fekk borna Odd (1915), Tore (1916), Liv (1918) og Aase (1921).

Gjelsvik tok eksamen ved Norges landbrukshøgskole i 1911. I åra 1911–17 var han lærar på Nordland landbruksskule i Bodin. Frå 1917 var han konsulent og leiar for bureisingsarbeidet i selskapet Ny Jord. Da det kom fart i bureisinga etter fyrste verdskrigen, var det han som utarbeidde planane.

Han gav ut rettleiingsboka Bureising (1939) og andre opplysningsskrifter.

Kjelder og litteratur

• Eystein Gjelsvik i Historisk befolkningsregister.
• Norsk Allkunnebok, band 5. 1954.
• Norske landbrukskandidater. 1932.
• Olav Randen: Brøyte seg rydning (særleg s. 63–66). 2002.
• Opplysningar frå sonesonen Eystein Gjelsvik.