Heggheim krins

Heggheim krins var ein skulekrins i Jølster kommune i Sunnfjord. Krinsa dukkar fyrst opp i protokollane i 1865, men kan ha vore i drift på eit tidligare tidspunkt. Dette var ein to-delt skule, og hadde i perioden 1865 – 1888 i gjennomsnitt 14 elevar kvart år.

På slutten av 1800- og utover 1900-tallet var det regelmessige røystingar om Heggheim skulle slås saman med Klakegg- eller Veiteberg krins. Men krinsstyre og innbyggarane i Heggheim ville ikkje ha ein samanslåing. Det blei argumentert for at vegen var for dålig, mykje snø om vinteren førte til uframkommelege tilstander og at plasseringa av skulehuset i Veiteberg ville føre til at vegen blei for lang og krevjande for borna.

Men i 1950 var Heggheim meir open for ein samanslåing. Dei fekk det same året et forslag frå Jølster skulestyre om å slå seg saman med den nye sentralskulen på Skei. Krinsa stilte krav om at borna skulle få skyss til og frå skulen, med ein god bil som har ein fast rute kvar dag. Det sistnemnte var viktig for å unngå at borna måtte vente i vegen for lenge. Det vart røysta over forslaget og fleirtalet var for samanslåinga – sju røysta for og ein var imot.

Sidan skulen på Skei ikkje var ferdig før 1960, så blei borna i Heggheim sentraliserte til Klakegg skule i 1954. I 1960 blei borna overført til den nye skulen på Skei.

Målet er å utvide denne artikkelen med mest mogeleg fakta. Bidra gjerne med meir informasjon.

Skulehus

I Heggheim vart det bygt eit skulehus på slutten av 1800-tallet.

Lærarar

Namn	Fødd	Skule	Tilsett år	Slutta år	Utdanning frå	Merknad
S. Hegheim		Heggheim	1886	1890
Martinus Dvergsdal	1863	Eikås, Fluge, Heggheim, Klagegg	1891	1916	Stord 1883	Lærar i Eikås og Fluge fram til 1896, så lærar i Heggheim og Klakegg.
Ida Myklebust	1896	Heggheim	1917	1920	Volda 1917
Maria Huslid	1899	Heggheim	1920	1923	Volda 1920
Malmfrid Hole Lunde	1901	Heggheim	1923	1938?	Volda 1923

Kjelder og litteratur

Prenta kjelder

• Espeland, Arne: Norske skulefolk. Stavanger, Dreyer (1934)
• Bakke, Karl: Norske skulefolk 1. Stavanger, Dreyer (1952)
• Bakke, Karl: Norske skulefolk 2. Stavanger, Dreyer (1952)
• Femårsmeldingar frå 1891-1895, 1896-1900 og 1901-1905, Fylkesarkivet i Sogn og Fjordane
• Møtebok for tilsynsutvalet i Klakegg skulekrins og Heggheim skulekrins, 1890-1912. Digital versjon på Digitalarkivet.no.
• Møtebok for tilsynsutvalet i Klakegg skulekrins og Heggheim skulekrins, 1913-1960. Digital versjon på Digitalarkivet.no.
• Møtebok for tilsynsutvalet i Heggheim skulekrins, 1917-1951. Digital versjon på Digitalarkivet.no.
• Dagsjournal for Klakegg krins, Flatjord krins, Heggheim krins og Aamod krins, 1865-1888. Digital versjon på Digitalarkivet.no.
• Skuleprotokoll for Heggheim skule, 1922-1938. Digital versjon på Digitalarkivet.no.

Digitale kjelder

• Allkunne - Skular i Jølster

Ikkje-prenta kjelder

• Karakterprotokoll for Heggheim 1921-1922