Veiteberg krins

Veiteberg krins var ein skulekrins i Jølster kommune i Sunnfjord. Skulen dukkar fyrst opp i protokollane i 1883, men det hadde truleg vore halde omgangsskule på garden gjennom heile 1800-tallet. I Veiteberg var skulen to-delt, og i perioden 1883-1924 var det i gjennomsnitt heile 33 elevar kvart år.

I 1917 ønsket krinsstyre i Veiteberg ein samanslåing med Heggheim: «Krinsmøtet bed skulestyret skunda paa samandragning millom Veiteberg og Heggheims skulekrins, so me kann faa 3 delt skule». Men krinsstyre og innbyggarane i Heggheim ønskte ikkje ein samanslåing. Dei meinte at skulevegen mellom Heggheim og Veiteberg ville bli for lang for borna. Forslaget blei difor ikkje innført.

I 1950 kom et forslag frå skulestyre i Jølster om at skulane Klakegg, Heggheim, Veiteberg og Vika skulle bli slått saman til ein sentralskule på Skei. Krinsstyre i Veiteberg var skeptisk. Dei meinte at skulevegen frå Veiteberg til Skei var for lang. Det ville være betre å slå seg saman med skulen på Klakegg. Borna ville difor ha ein mil i skuleveg, og vil føre til at «borna er mindre trøyte når det kjem på skulen». Krinsstyre påpeikte også at skyss med bil til og frå skulen var nødvendig.

Skulestyre i Jølster ønska eit svar frå Veiteberg om den nye krinssamanslåinga. Det tilsendte forslaget om samanslåing med Skei blei røysta over, og fleirtalet var i 1951 imot ein samanslåing.

Skulen i Veiteberg fortsette å være i drift fram til 1960. Borna blei etter kvart overført til sentralskulen på Skei, som opna hausten 1960. Når det blei vedteke at elevane i Veiteberg skulle overførast til Skei er usikkert, då det er ikkje oppført i møteboka frå skulen.

Skulehus

Skulen fekk eit eiget skulehus i 1890. Tidligare har det vore omgangskule i private husstandar.

Lærarar

Etternamn	Fornamn	Fødd	Skule	Tilsett år	Slutta år	Utdanning frå	Merknad
Aune	Anton		Veiteberg	1887	1891
Sande	Ole		Veiteberg	1892	189?		Usikkert når Sande slutta
Olsen Viken	Ole	1848	Veiteberg	1904	191?	Balestrand 1868	Usikkert når Viken slutta
Flatjord	Olav		Veiteberg	191?	1923		Usikkert når Flatjord blei tilsett
Myklebust	Sverre	1902	Veiteberg	1923	1960	Notodden 1923

Kjelder og litteratur

Prenta kjelder

• Espeland, Arne: Norske skulefolk. Stavanger, Dreyer (1934)
• Bakke, Karl: Norske skulefolk 1. Stavanger, Dreyer (1952)
• Bakke, Karl: Norske skulefolk 2. Stavanger, Dreyer (1952)
• Firda Folkeblad: 07.01.1985
• Femårsmeldingar frå 1891-1895, 1896-1900 og 1901-1905, Fylkesarkivet i Sogn og Fjordane
• Møtebok for tilsynsutvalet i Veiteberg skulekrins, 1914-1960. Digital versjon på Digitalarkivet.no.
• Protokoll over undervisningspliktige born for Veiteberg skulekrins og Aamot skulekrins, 1904-1907. Digital versjon på Digitalarkivet.no.
• Skuleprotokoll for Veiteberg skulekrins og Navnløs skulekrins, 1862-1887. Digital versjon på Digitalarkivet.no.
• Skuleprotokoll for Veiteberg skule, Navnløs skule og Aamot skule, 1888-1912. Digital versjon på Digitalarkivet.no.
• Skuleprotokoll for Veiteberg skule og Skei skule, 1923-1968. Digital versjon på Digitalarkivet.no.
• Dagbok for Veiteberg skule, Navnløs skule og Aamot skule, 1883-1901. Digital versjon på Digitalarkivet.no.
• Dagbok for Veiteberg skule og Aamodt skule, 1901-1924. Digital versjon på Digitalarkivet.no.
• Dagbok for Veiteberg skule, 1925-1943. Digital versjon på Digitalarkivet.no.
• Dagbok for Veiteberg skule, 1943-1960. Digital versjon på Digitalarkivet.no.

Digitale kjelder

• Allkunne - Skular i Jølster

Ikkje-prenta kjelder

• '