Herbrand Bjerkeset

Herbrand Bjerkeset og sonen Herbrand på trappa på Darbu skule, der dei budde kring 1910.

Foto: Ukjend / Eiker Arkiv

Herbrand Herbrandsson Bjerkeset (fødd 1866 i Flesberg, død 1949) var lærar mellom anna i Seljord i 1889, seinare i Øvre Eiker.

Han var son av gardbruker på Nedre Brøtøn Herbrand Olsson Bjerkeset (d. 1880) og Kjersti Sevatsdotter Bjerkeset (d. 1917).

I 1886 vart han lærar ved Alvheim folkehøgskule. Så fekk han lærarjobbar i Rollag, Seljord, Hovin og Nes i Hallingdal. I 1891 budde han på Brøtøn i Flesberg, nabobruket til farsgarden. I folketeljinga står han som son av Ambjørg Gislesdotter, men det er feil; han må ha vore leigebuar der. I 1894 vart han lærar i Øvre Eiker. Der vart han òg kyrkjesongar i Fiskum sokn.

Han gifta seg med Janna Bjerkeset (1869–1958), og dei fekk borna Herbrand (1896–1941) og Svanhild (1897–1966). I 1910 budde dei på Darbu skole i Øvre Eiker.

I 1933 tok Herbrand Bjerkeset over farsgarden etter systera Kjersti Herbrandsdotter Bjerkeset (1859–1932).

Litteratur og kjelder

• Herbrand Bjerkeset i Historisk befolkningsregister.
• Vinger, Sigurd: Flesberg-boka : bustad og ætt. B.3. Utg. Flesberg kommune. 1992. Digital versjon på Nettbiblioteket.

Denne siden er en spire. Du kan hjelpe den til å vokse seg stor og sterk! Denne sida er ei spire. Du kan hjelpe henne til å vekse seg stor og sterk!