Idar Handagard

Fra lokalhistoriewiki.no
Hopp til navigering Hopp til søk
Idar Handagard.
Foto: Faksimile frå Bakken (1944): Idar Handagard - mannen og livsverket hans.

Idar Antonius Handagard (fødd 9. august 1874 i Kristiansund, død 11. desember 1959) var dokter og forfattar, ivrig målmann og ein av skiparane av Studentmållaget i Oslo.

Han var son av forlagsbokhandlar Olav Larsson Handagard (1842–1913) og Ingeleiv Eiriksdotter Flatset (1829–1913), og vart gift i 1905 med Sara Thingulstad (1879–1958). I folketeljinga 1875 står faren som omreisande bokhandlar.[1]

Handagard var fødd i Kristiansund og voks opp der og i Bergen. Han tok examen artium i Bergen i 1893 og vart cand.med. i 1905. Han hadde og stor interesse for naturfag og botanikk, og fekk i 1907 Kongens medalje for ei avhandling om norske plantenamn (ikkje trykt). Han gjorde opptaket til Norsk Bokmannslag i 1910 og var formann i fleire år. Saman med kona starta Handagard Norsk Bokhandel, som gav ut dei fleste bøkene hans etterpå.

Handagard praktiserte ikkje som lege, men skreiv om helselære og matstell i blad og tidsskrift. Frå 1932 hadde han statsstipend til vitskapeleg arbeid.


Referansar

  1. Idar Handegaard i folketeljinga 1875 for Kristiansund kjøpstad frå Digitalarkivet.

Litteratur og kjelder