Kjeldsund
Kjeldsund er ein tidlegare handelsstad og gjestgjevargard, så vel som tingstad i Herøy kommune i Møre og Romsdal. Handelen på staden er slutt. Ein del av bygningane var frå 1948 til 1955 bortleigd som husmorskule, Søre Sunnmøre Husstellskule. Skulen er avvikla og flytt til Ørsta. Bygningane er no i bruk som misjons- og ungdomsenter — Kjeldsund Ungdomssenter — som blir eigd og drive av Det Norske Misjonsselskap (NMS).
Kjeldsund er bruksnummer 8 under garden Djupvik. Grannegardane er Nykrim i sør og Dragsund i nord.
Brua over Kjeldsund har ei seglingshøgd på berre 2,5m. Kjeldsund er eit av stoppa på Fjordmannsleia, ei kulturminneløype i samband med Kulturminneåret 2009. Ho går frå Måløysundet i søraust, om nes og holmar, under bruer og heilt nordvest til Flåvær Fyr.
Litteratur
- Rabben, Bjarne. 1982. «Kjeldsund» i Folk og Fortid, Herøy sogelag.