Lars Aarseth (1901–1987)
Lars Aarseth (fødd 21. april 1901 i Vevring, død 25. desember 1987 i Flora) var gardbrukar og trevarefabrikant, busett på Løkkebø i Eikefjord i noverande Kinn kommune.
Han var fødd på garden Årset (bnr. 2) i Vevring. Etter folkeskulen begynte han som snikkar og spesialiserte seg etter kvar på vevstolar. I 1932 gifte han seg Rakel Løkebø (f. 1891), eldste dotter til Ole Iversen Løkebø. Han overtok garden og gjekk straks i gang med modernisering. Han bygde nye hus og anla ein betydeleg frukthage.
Aarseth bygde elektrisitetsverk i 1941 og ein liten trevarefabrikk i 1947. Han leverte store og små vevstolar og hadde fullt arbeid for 2-3 mann i 1954.
På landsutstillinga i Bergen i 1928 fekk Lars Aarseth sølvmedalje for vevstolen han hadde stilt ut.[1]
Referansar
- ↑ Nordre Bergenhus Amtstidende, 9. juli 1928.
Kjelder og litteratur
- Lars Aarseth i Historisk befolkningsregister.
- Nb.no – aviser